Կադրային փոփոխություններ՝ Արցախի բանակում (Տեսանյութ)

Դեռ օրեր առաջ լրատվամիջոցները գրում էին, որ Արցախում կադրային լուրջ փոփոխություններ են սպասվում: Լուրերն այսօր հաստատվեցին արդեն պաշտոնական մակարդակով:

Ինչպես տեղեկանում ենք Արցախի նախագահի պաշտոնական կայքից, Արցախի պաշտպանության բանակի հրամանատար, գեներալ-լեյտենանտ Լեւոն Մնացականյանն ազատվել է պաշտոնից:

Լևոն Մնացականյանը կշարունակի պաշտոնավարել երկրի կառավարման համակարգում, այս անգամ որպես Արցախի Հանրապետության արտակարգ իրավիճակների պետական ծառայության տնօրեն:

Մնացականյանի փոխարեն Պաշտպանության բանակի հրամանատար է նշանակվել Կարեն Աբրահամյանը, որը մինչև այդ զբաղեցնում էր Պաշտպանության բանակի գլխավոր շտաբի պետի պաշտոնը:

Արցախի Հանրապետության նախագահ Բակո Սահակյանի հրամանագրով՝ Արցախի Պաշտպանության բանակի շտաբի պետ է նշանակվել Ջալալ Հարությունյանը:

Zham.am