Լևոն Շիրինյանը Գագիկ Ծառուկյանի չուզո՞ղն է
Ես վաղուց այսքան չէի ուրախացել մեր քաղաքական դաշտից, ինչպես վերջին շրջանում։ Բոլորն իրար են խառնվել և այս գործընթացի մեջ լիքը հետաքրքիր բաներ են տեղի ունենում։ Օրինակ սենց մի բան․ մեկնաբանելով անցած ընտրությունների արդյունքները քաղաքագետ, Քրիստոնյա-ժողովրդավարական կուսակցության ղեկավար Լևոն Շիրինյանը նշել է, թե չի ուզում տխրեցնել հանրությանը և չի ուզում ասել, որ լուրջ սպասելիքներ չունի այս իշխանություններից, բայց ըստ նրա միատարր խորհրդարանը, այն էլ բաղկացած լիբերալներից, չի կարող հոգալ հանրության հոգսերը։ Իսկ այն հարցին, թե ով է լինելու ԱԺ-ի գլխավոր ընդդիմադիր ուժը, Շիրինյանը պատախանել է, որ դա կլինի ԲՀԿ-ն, նշելով որ Լուսավոր Հայաստանի թիմի անդամները իրենց տեսակով նման են Փաշինյանի թիմին, իրենք լիբերալներ են։
Փաստոներ ստացվում է, որ ժողովրդական լեզվով ասած քաղաքագետը "պադստավկա է անում" Ծառուկյանին։ Մարդն ամեն տեղ հայտարարում է, թե Նիկոլ Փաշինյանին ընդդիմություն չէ, այլ հակառակը՝ նրա աջակիցն է։ Սակայն պարզվում է, որ փորձառու քաղաքագետը Ծառուկյանի մեջ է տեսնում միակ ընդդիմադիր ուժին նոր ԱԺ-ում։ Պատկերացնում եք՝ ինչ կլիներ, եթե Փաշինյանը հանկարծ հավատար քաղաքագետին և ԲՀԿ-ի մեջ տեսներ ընդդիմադիր վտանգ։ Այստեղ է, որ Ծառուկյանական ձևակերպումով արժեր ասել - այ "կլասիկ" քաղաքագետ, քեզ ի՞նչ վատություն է արել Ծառուկյանը, որ ուզում ես նրա և Փաշինյանի հարաբերությունները փչացնել։
Կարինե Մամիկոնյանի ֆեյսբուքյան էջից