Երկրաշարժից տուժած Վանաձորի թիվ 11 մանկապարտեզի վերանորոգված շենքը հանձնվեց շահագործման
Երեսուն տարի առաջ երկրաշարժից տուժած Վանաձոր քաղաքի թիվ 11 մանկապարտեզը վերանորոգումից հետո հանձնվեց շահագործման։ Մանկապարտեզի նորոգված շենքի բացմանը ներկա գտնվեցին ՀՀ վարչապետի պաշտոնակատար Նիկոլ Փաշինյանը, Լոռու մարզպետն ու այլ պաշտոնյաներ։
«Մանկապարտեզը չափազանց մեծ կարևորություն ունի հարակից տարածքների բնակիչների համար։ Վերջին մեկ տարվա ընթացքում Տարածքների զարգացման հիմնադրամի միջոցներով կատարվել են բազմաթիվ բարեկարգման աշխատանքներ»,- նշեց Լոռու մարզպետ Անդրեյ Ղուկասյանը։
Թիվ 11 մանկապարտեզը կառուցվել է 1986թ.-ին։ 1988թ.-ի ավերիչ երկրաշարժի ժամանակ շենքի մի մասը դարձել էր շահագործման համար ոչ պիտանի։