Բաց նամակ ուղղված փոխվարչապետ Արարատ Միրզոյանին
Բարև Ձեզ պ․ փոխվարչապետ Արարատ Միրզոյան, նոյեմբերի 22-ին տեղի ունեցավ Տավուշի մարզի Հովքի միջն․ դպրոցի տնօրենի թափուր տեղի համար հայտարարված մրցույթի 2-րդ նիստը, որի արդյունքում թեկնածուները հավաքեցին հավասար ձայներ (4=4)։ Կառավարման խորհրդի Հովք համայնքի կողմից առաջադրված ներկայացուցիչը, մարզպետարանի ներկայացուցիչը, որը բնակվում է Հովքում, մանկավարժական խորհրդի 2 անդամը ընտրեցին Ս․ Ասիրյանին՝ դպրոցի փոխտնօրենին, որը 12 տարի աշխատում է Հովքի դպրոցում։ Մարզպետարանի մյուս ներկայացուցիչը, որն աշխատում է մարզպետարանում և նախարարության ներկայացուցիչը, երկու ծնող, որոնք գերադասեցին անձնական շահը, ընտրեցին ժպ․ Ս․ Սիմոնյանին։ Սիմոնյանը նշանակվելուց մինչև հիմա կոլեկտիվին ներկայանում է որպես մարզպետարանի «մարդ», բացահայտ հայտարարել է, որ պատահական չի եկել և երկար է աշխատելու։ Մրցույթը փաստեց նրա հայտարարությունները։ Փաստորեն նորից գործում է Խնամի–Ծանոթ–Բարեկամ կառավարման համակարգը։ Մենք մեր դժգոհությունն ենք արտահայտում։ Հեղափոխությունից հետո նման հովանավորչությունները անթույլատրելի են։
Խնդրում ենք Ձեզ նշանակումը կատարել մեր թեկնածուի՝ Ս․ Ասիրյանի օգտին՝ հաշվի առնելով նրա մանկավարժական փորձը և մանկավարժական կոլեկտիվի խնդրանքը։