Արսեն Թորոսյանը կպել է սրբության սրբոցին՝ Միքայել Մինասյանին. Փաշինյան
Այսօր տեղի ունեցած մամուլի ասուլիսի ընթացքում ի թիվս այլ հարցերի վարչապետի պաշտոնակատար Նիկոլ Փաշինյանից անդրադարձավ նաև կառավարության անդամների հասցեին հնչած քննադատություններին:
«Արսեն Թորոսյանի նկատմամբ ինչու արշավ սկսվեց, որովհետև նա համարձակվել է ոտնձգություն իրականացնել նախորդ կառավարության սրբության սրբոցի` Միքայել Մինասյանի նկատմամբ, ով տիրապետում է Հայաստանի տեղեկատվական ռեսուրսների ձեզ հայտնի չափաքանակին: Բա ոնց, որևէ մեկը կարող է Միքայել Մինասյանի ընտանիքի անդամների նկատմամբ որևէ բան անել: Պա՞րզ չի, թե Արսեն Թորոսյանի նկատմամբ ինչու՞ է նման բան արվում: Ասե ՞լ ենք չէ, որ ամեն թալանված կոպեկի հետևից գնալու ենք, բա դա իրավիճա՞կ էր, որ տեղի էր ունեցել այդ հիվանդանոցում, դա խայտառակություն էր»,- հայտարարեց վարչապետի պաշտոնակատարը:
«Վերջերս ՀՀԿ-ի մի կարկառուն ներկայացուցիչ ասում է՝ ինչպե՞ս կարելի է մարդուն նշանակել պաշտոնի, եթե նա որևէ բան չի ղեկավարել: Եվ դա ասողը չի ասում, որ ինքը որևէ բան չի ղեկավարել, իր կյանքում որևէ բան չի ղեկավարելու: Ասում են` փորձ չունեն, իհարկե, իմ թիմակիցները կոռուպցիայի փորձ չունեն, և ես շատ գոհ եմ: Ասում եմ՝ այն պաշտոնյան, ով կփորձի կոռուպցիայի փորձ ձեռք բերել, նա իմ անձնական թշնամին է»,- հավելեց Նիկոլ Փաշինյանը:
Zham.am