Ինչի համար են ապատեղեկատվություն տարածողներին եթեր տրամադրում
Վերջերս շատ առիթներ են եղել անդրադառնալու այն հարցին¸ որ #Ամուլսարի հանքի շահագործման դեմ ուղղորդված հակաքարոզչություն է գնում մի շարք ուժերի կողմից ովքեր¸ ըստ օդում կախված տեղեկությունների¸ ունեն կապեր նախկին իշխանությունների հետ¸ որոնք մեր հասարակությունը ապրիլին միահամուռ ուժերով մերժեց՝ չվաստակած թոշակի ուղարկելով նրանց: Այս համատեքստում կարևոր է ասել այն¸ որ շատ մարդիկ տեղյակ չլինելով խնդրի բուն էությանը¸ շատ դեպքերում տուրք են տալիս այսպես կոչված բնապահպանների զառանցանքներին՝ թե իբր Ամուլսարի շահագործումը վտանգում է մարդկանց առողջությունը կամ վնասում շրջակա միջավայրին:
Այն մարդկանցից մեկը¸ ով այդ ապատեղեկատվությունն է տարածում¸ վերջերս հյուրընկալվել է Շանթ Հ/Ը: Ուզում եմ հասկանամ¸ իրեն կանչել եք որ ինչ անեք¸ նա բացարձակ ապատեղեկատվություն է տարածում¸ որի վերջին ապացույցը եղավ օրեր առաջ¸ երբ բնապնախը հայտարարեց¸ որ #Ամուլսարի շրջակա տարածքում չկա ոչ մի բույս¸ որի վտանգված լինելու մասին ամիսներ շարունակ թմբկահարում էին իրենց բնապահպան կոչողները:
Այնուամենայնիվ իրավացի են նրանք¸ ովքեր նշում են¸ որ խոսքի ազատությունը ենթադրում է նաև պատասխանատվություն: Եւ ամեն մի ինքնահռչակ փորձագետ¸ ԴԻՎԱՆագետ¸ բնապահպան պետք չէ¸ որ հնարավորություն ունենա եթեր դուրս գալու և մարդկանց աչքերին թոզ փչելու:
Լիկա Սվասյանի ֆեյսբուքյան էջից