1 միլիոնի կաշառք վերցնելու պահին ձերբակալվել են Սևանի հարկային տեսչության պետն ու տեղակալը (Տեսանյութ)
Հոկտեմբերի 22-ին առաջ բերման են ենթարկվել Սևանի հարկային տեսչության պետն ու նրա տեղակալ Սամսոն Առաքելյանը:
Հայաստանի ոստիկանության կազմակերպված հանցավորության դեմ պայքարի գլխավոր վարչության (6-րդ վարչության) աշխատակիցները նրանց ձերբակալել են 1 միլիոն դրամ կաշառք վերցնելու պահին:
Ակնկալվում է, որ ոստիկանությունը քիչ հետո պաշտոնական տեղեկություն կտարածի:
Պետական եկամուտների կոմիտեից տեղեկացրին, որ ՊԵԿ-ն առհասարակ խստորեն դատապարտում է նման երևույթները՝ միաժամանակ վստահեցնում է, որ հետևողական աշխատանք է տանում համակարգում կոռուպցիոն երևույթների բացահայտման և կանխարգելման ուղղությամբ: