«Այս գիշեր մեր կողմերում արդեն -2 աստիճան է լինելու, իսկ ժողովրդի 90%-ը վառելափայռ չունի. ի՞նչ անենք». Հովհաննես Գալստյան
Մեծ Մանթաշի բնակիչ Հովհաննես Գալստյանը ֆեյսբուքյան իր էջում գրել է.
Այս հարցի մասին մոտ մի տարի առաջ էլ եմ բարձրաձայնել:
Հայաստանի բարձրլեռնային շրջաններում ձմեռը
շատ շուտ է գալիս և ջեռուցման սեզոնը 7-ից 8 ամիս է տևում:
Մեր կողմերում բնակարանների ջեռուցումը
արդեն 25-30 տարի կատարվում է վառելափայտով :
Ամեն անգամ, բնապահպանության նախարարի փոփոխությունից հետո, 2 -3 ամիս վաճառքում վառելափայտ չի լինում:
Հետագայում նորից սկսում են վաճառել, բայց արդեն շատ բարձր գներով:
Նախորդ տարի, այս օրերին նույն վիճակն էր:
Արդեն մի քանի ամիս է , ինչ վաճառքում վառելափայտ համարյա չկա:
Ամեն տարի, այս օրերին, ժողովրդի մեծ մասը արդեն գնել էր իր ձմեռվա վառելիքը, բայց այս տարի, երևի նույնիսկ 10 տոկոսը վառելափայտ չունի:
Այս գիշեր մեր կողմերում արդեն -2 աստիճան է լինելու, իսկ վաղը -4 են կանխատեսել:
Ինքս՝ դեմ լինելով ծառահատումներին և անտառների այսօրինակ ոչնչացմանը, ուզում եմ հասկանալ, թե մի բան արգելելուց առաջ երևի ճիշտ կլիներ որևէ այլընտրանքային տարբերակ առաջարկել:
Գազը և էլեկտրականությունը շատ թանկ են և մեր նման մարդկանց համար անհասանելի:
Հարցս ուղղված է իրավասու մարմիններին:
Ի՞նչ անել...