Ողբերգական դեպք Երևանի կենտրոնում. կեղծ ահազանգը դարձել է 23-ամյա մոտոցիկլավարի մահվան պատճառ
Երեկ՝ հոկտեմբերի 4-ին, ողբերգական դեպք է տեղի ունեցել Երևանում։ Ժամը 23։10-ի սահմաններում Մաշտոց-Գրիգոր Լուսավորիչ-Պարոնյան փողոցների խաչմերուկում բախվել են Երևանի Նոր Արեշ թաղամասի բնակիչ՝ 46-ամյա Արշակ Ավշարյանի վարած Isuzu մակնիշի 336 VV 01 համարանիշի մեքենան և Երևան քաղաքի Նար Դոսի փողոցի բնակիչ՝ 23-ամյա Լեոնիկ Հերքոյանի վարած «Բաբաջ» AG 007 մակնիշի մոտոցիկլը։
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով մոտոցիկլը կողաշրջվել է, իսկ վարորդը մարմնական վնասվածքներով տեղափոխվել է «Նաիրի» բժշկական կենտրոն։
Մինչ դեպքի վայրում աշխատում էին ՃՈ հետաքննիչները, հիվանդանոցից տեղեկություն ստացվեց, որ վիրավորը գիտակցության չգալով՝ մահացել է:
Գ. Շամշյանի տեղեկություններով՝ Ա. Ավշարյանն աշխատում է արտակարգ իրավիճակների նախարարության փրկարար ծառայության թիվ 3 հրշեջ-փրկարարական ջոկատում, և փրկարարները մեկնում էին կանչով դեպքի վայր և միացված են եղել լուսաձայնային ազդանշանները։
Գ. Շամշյանի տեղեկություններով՝ պարզվել է, որ 2-3 ահազանգեր են ստացել փրկարարները կեղծ հրդեհների վերաբերյալ ու եթե այդ կեղծ ահազագ տվող ճիվաղը կամ ծալապակասը կեղծ ահազանգ չտար, ողբերգական այդ դեպքը տեղի չէր ունենա։
Մանրամասները՝ Shamshyan.com կայքում: