Հանրապետականի պլանը 0-ն է. Գալուստ Սահակյան (Տեսանյութ)
ԱԺ ՀՀԿ-ական պատգամավոր Գալուստ Սահակյանը պնդում է, որ երեկ համաձայնություններ չեն եղել խմբակցությունների ներկայացուցիչների և վարչապետի մեջ «Ես չեմ եղել այդ քննարկումներին, բայց որևէ բան հնարավոր չէ բանակցել: Նախ ԱԺ-ն որոշում է կայացրել իրենց բերած օրինագծով, որ մեկ տարի հետո պիտի լինի ընտրությունները, իսկ դա լինում է մայիս ամսիը: Հիմա ասում են` արագացնենք, որովհետև մեր երկրի տնտեսությունը քայքայվում է այս ճանապարհով: Ես էլ ասում եմ, որ էս հինգ ամսում մի մարդ թող դրսից գար տնտեսության համար ինչ-որ մի բան դներ»,- նշեց նա:
Դիտարկմանը` ասում են, որ քաղաքացիների պահանջ է, բայց հհկ-ն չի ուզում կատարել ժողովրդի պահանջը, նա ասաց. «Ժողովրդի պահանջը շատ լավ եմ հասկանում: Ես չեմ կարծում, որ ինչ-որ մի մարդ պիտի ծնվի մեզնում և ժողովրդի պահանջով կարողանա իր կարողությունները ներկայացնի ժողովրդին: Ժողովդրի պահանջով ես այսօր պատգամավոր եմ»:
Սահակյանը նշեց, որ ՀՀկ-ականները վախենալու պատճառ չունեն:
«Իրական հանրապետականները դրանք այն մարդիկ են, որոնք երբեք վախ չունեն: Հայաստանը ինչքան ավելի մեծ զարգացում ունենա, բնականաբար, հանրապետականը պիտի լինի այդ զարգացման կենտրոնում, անհնար բան է, որ առանց Հանրապետականի հնարավոր լինի որոշակի առաջընթաց մեր պետության հանար»,- նշեց նա: Իսկ թե ինչու է անհնար Սահակյանն ասաց, որովհետև միայն Նիկոլ Փաշինյանն է, ուրիշ մարդ չկա, մեկ հոգով չի կարելի ինչ-որ բան անել: Հարցին` Հանրապետականը պլան «Բ» ունի՞, եթե պլան Ա-ն ձախողվի, նա ասաց. «Մեր պլանը 0-ն է»:
Աղբյուրը՝ Yerkir.am: