Վերջին օրերի ընթացքում մենք սահմանին կորցրեցինք շատ թանկ տղերք
Տարիներ շարունակ մեր ունեցած փորձը ցույց է տվել, որ ադրբեջանական կողմը հասկանում է բացառապես ուժի և ճնշման լեզուն: Ադրբեջանական կողմը թքած ունի իր կողմի զոհերի և վիրավորների վրա, թե օրեկան քանի հոգի կմահանա ու քանիսը կտղափոխվեն հոսպիտալ, սակայն տարածքային ավերվածություններից նրանք ահավոր վախենում են, քանի որ դրանց թաքցնելու հավանականություն գրեթե չկա:
Տարիներ առաջ հենց այս ժամանակահատվածում, երբ թշնամին կրկին ակտիվացել է Տավուշի մասում և կրակի տակ էր պահում հայկական բնակավայրերը , նրանց ընդամենը մի քանի ժամվա ընթացքում լռեցրեցին այնպես, որ երկար ժամանակ այդ հատվածում ադրբեջանական կողմը լուռ մնաց: Հայկական կողմը ոչ միայն պատասխան կրակով լռեցրեց թշնամու կրակոցները, այլ պարզապես պատիժ գործողություններ իրականացվեցին այն երկու դիրքերի ուղղությամբ, որտեղից կրակում էին հայկական բնակավայրերի վրա, դիրքերը գրավվեցին, ադրբեջանական կողմը ունեցավ զոհեր և վիարվորներ:
Կան շատ այլ տարբերակներ, երբ հայկական կողմը այս նույն գործողությունները կատարել է առավել ակտիվ ադրբեջանական դիրքերի նկատմամբ ու միշտ հաջողությամբ են ավարտվել դրանք: Տարվա մեջ կան հստակ ժամանակահատվածներ, որ ադրբեջանական կողմը հենց այդ շրջանում որոշ հատվածներում ակտիվանում է կապված տարբեր պայմանների հետ՝ բերքահավաք, ինչ-որ միջոցառում կան հանդիպում և այլն: Հիմա համընկել էր համ բերքահավաքը, համ Հայաստանի ղեկավար կազմի հանդիպումները միջազգային հարթակներում:
Խնդրի լուծման այս տարբերակը եթե ես գիտեմ, ապա վստահեցնում եմ, որ դրանց լուծումները քննարկող անձնակազմը ինձանից մի քանի անգամ ավելի լավ գիտի: Հիմա ասածս ինչա՞: Վերջին օրերի ընթացքում մենք սահմանին կորցրեցինք շատ թանկ տղերք, որոնց վերադարձնել այլևս անհնար է, սակայն տղերքի հոգիները անհանգիստ են: Ես հետևել եմ ադրբեջանական հատվածի անդրադարձին այս թեմայի շուրջ ու մոտ օրերս լուրջ անդրադառնալու թեմա արդեն մենք ենք ունենալու: Քողարկելը այլևս անհնար է լինելու:
Աշոտ Ասատրյանի ֆեյսբուքյան էջից