«Իմ քայլը» դաշինքը 81.06%-ով հաղթանակ տարավ Երևանի ավագանու արտահերթ ընտրություններում (տեսանյութ)
«Իմ քայլը» դաշինքը Երևանի ավագանու արտահերթ ընտրություններում ստացել է 294 109 քվե կամ 81.06%, դառնալով առաջատարը երեկ տեղի ունեցած ընտրությունների արդյունքներով: «Իմ քայլը» դաշինքի ցուցակը գլխավորում է քաղաքապետի թեկնածու Հայկ Մարությանը:
Ավագանու ընտրության նախնական արդյունքներով՝ երկրորդ տեղում 25 219 քվեով կամ 6.95 % ձայնով «Բարգավաճ Հայաստան» կուսակցությունն է:
Երրորդը «Լույս» դաշինքն է, որն ստացել է ընտրողների 4.99%-ի կամ 18 112 բնակչի քվեն:
***
Կենտրոնական ընտրական հանձնաժողովն սկսել է ամփոփել Երևանի ավագանու ընտրությունների նախնական արդյունքները:
Համաձայն 34 տեղամասերից ստացված արդյունքների՝ բացարձակ առաջատարը «Իմ քայլը» դաշինքն է՝ 82.70% ձայներով:
Նրան հաջորդում է ԲՀԿ-ն է, որն ստացել է 1730 քվե կամ ձայների 6.43%-ը:
Երրորդ հորիզոնականում է «Լույս» դաշինքը. վերջինի օգտին քվեարկել է 4.78%-ը, կամ 1286 քաղաքացի:
Մասնավորապես, 40 ընտրական տեղամասերում կատարված հաշվարկի նախնական արդյունքներով «Իմ քայլը» դաշինքի օգտին քվեարկել է ընտրությանը մասնակցած քաղաքացիների 18 հազար 553 կամ 82.70 տոկոսը: ԲՀԿ-ի օգտին քվեարկել է 1730 քաղաքացի կամ 6.43 տոկոսը: «Լույս» դաշինքի օգտին քվեարկել է 1286 քաղաքացի կամ 4.78 տոկոսը: ՀՅԴ-ի օգտին քվեարկել է 419 ընտրող կամ 1.56 տոկոսը: ՕԵԿ-ի օգտին քվեարկել է 253 ընտրող կամ 0.94 տոկոսը: «Երկիր ծիրանի» կուսակցության օգտին քվեարկել է 372 մարդ կամ ընտրություններին մասնակցած քաղաքացիների 1.38 տոկոսը: «Ժառանգություն» կուսակցության օգտին քվեարկել է 169 ընտրող կամ 0.67 տոկոսը: «Երևանցիներ» դաշինքի օգտին քվեարկել է 216 քաղաքացի կամ 0.80 տոկոսը: «Երևանի հանրություն» դաշինքի օգտին քվեարկել է 151 քաղաքացի կամ 0.56 տոկոսը: «Հայկազուններ» կուսակցության օգտին քվեարկել է 58 ընտրող կամ 0.22 տոկոսը: «Ռեֆորմիստների» կուսակցության օգտին քվեարկել է 41 ընտրող կամ 0.15 տոկոսը: «Ժողովրդավարական ուղի» կուսակցության օգտին քվեարկել է 37 քաղաքացի կամ 0.14 տոկոս: