«Այս ընտրություններին «Գազելներ» չեն լինելու». Նիկոլ Փաշինյան (Տեսանյութ)
«Փարիզում եմ: Սպասում եմ Նյու Յորքի թռիչքին»,- ֆեյսբուքյան ուղիղ եթերում հայտարարեց ՀՀ վարչապետն Նիկոլ Փաշինյանն ու անդրադարձավ Երևանում ընթացող ընտրություններին
«Կա այսպիսի վիճակագրություն, որ նախորդ տարվա Երևանի ավագանու ընտրությունների համեմատ ակտիվությունը շատ փոքր՝ 1-2 տոկոսով ավելի քիչ է։ Սակայն դա բացատրվում է նրանով, որ այս ընտրություններին գազելներով, ավտոբուսներով ընտրողներին ընտրատեղամասեր բերել չկա, բայց ես հույս ունեմ, որ, այնուամենայնիվ, մեր քաղաքացիներն ակտիվ մասնակցություն կցուցաբերեն՝ անկախ գազելների գոյությունից», - ասաց Նիկոլ Փաշնյանը։
Նա ընդգծեց՝ այս ընտրությունները բացառիկ են նրանով, որ քաղաքացիների որոշումն է լինելու վճռորոշ։
«Ես համոզված եմ, որ քվեարկությունն ու ձայների հաշվարկը կանցնեն սիրո և համերաշխության մթնոլորտում՝ չնայած իրավապահ մարմինները ծառայություն են իրականացնում և չի կարող որևէ այլ տրամաբանություն գործել», - ամփոփեց ՀՀ վարչապետը։
Մանրամասները՝ տեսանյութեում: