Վարչապետը բոլորի վարչապետն է, իսկ ՀՀԿ-ն միակ քաղաքական ուժն է. Գալուստ Սահակյան
ՀՀԿ-ն միշտ կանգուն է եւ միշտ լինելու է, իսկ ընտրությունների հարցով մեզ որեւէ մեկը որեւէ բան չի կարող ասել: Այս մասին այսօր՝ սեպտեմբերի 11-ին, ԱԺ-ում NEWS.am-ի հետ զրույցում նշեց ՀՀԿ խմբակցության պատգամավոր, ԱԺ նախկին նախագահ Գալուստ Սահակյանը:
Նա նկատեց, որ Նիկոլ Փաշինյանը բոլորի վարչապետն է, այդ թվում իր. «Ինչ վերաբերում է նրան ընդունում ենք, թե չենք ընդունում, դրա հետ կապ չունեցող բան է: Վարչապետը բոլորի վարչապետն է, իսկ ՀՀԿ-ն միակ քաղաքական ուժն է», - ասաց նա:
Դիտարկմանը, որ Նիկոլ Փաշինյանը նախօրեին հայտարարել է, որ որոշ ուժեր քուչեքում հանդիպում են ՀՀԿ-ականների հետ, փորձում համաձայնությունների գալ, գալուստ Սահակյանն ասաց. «Եթե ես որեւէ մեկին պաշտպանելու լինեմ, ես բացարձակ դրա մասին ձեզ կասեմ: Այդպիսի խնդիր մեզ մոտ չկա դրված, ոչ էլ նման քննարկումներ ենք արել, ոչ էլ խորը մտածում ունենք Երեւանի քաղաքապետ ընտրվելու վերաբերյալ»: