«Ժառանգություն»-ն այսօր վարչության նիստում կորոշի քաղաքապետի իր թեկնածուին. Րաֆֆի Հովհաննիսյան
«Ժառանգություն» կուսակցությունն այսօր վարչության լիագումար նիստում կորոշի քաղաքապետի իր թեկնածուին։ Այդ մասին այսօր հրավիրված ասուլիսի ժամանակ հայտարարեց կուսակցության հիմնադիր Րաֆֆի Հովհաննիսյանը։
«Այսօր մի քանի ժամից «Ժառանգություն» կուսակցության վարչությունը կհրավիրի լիագումար նիստ, որի ընթացքում մենք կորոշենք Երևանի ավագանու ցուցակի քաղաքապետի և ավագանու առաջին հորիզոնականները։ Մենք անցյալ շաբաթ արդեն հայտարարեցինք, որ մասնակցում ենք, մինչև այսօր ժամանակ տվեցինք և հույս տածեցինք, որ մեր առաջարկը՝ միասնական ցուցակի, կարողանար իրականություն դառնար, բայց ավաղ շատ հարգելի պատճառներով, բայց, մեր կարծիքով, սխալ մոտեցմամբ, հեղափոխության միասնական ցուցակը պետք է վերածվի գոնե այս ընտրություններում միջկուսակցական, բազմակուսակցական մրցակցության տարբեր ցուցակների։ Չի բացառվում, որ մինչև խորհրդարանական ընտրությունները մենք կարող ենք ավելի լայն, հեռահար մտածել, բայց ներկա պահին սա է իրականությունը», - հայտարարեց Հովհաննիսյանը։
Աղբյուր՝ Ազատություն