Սերժ Սարգսյանը կհարցաքննվի «Մարտի 1»-ի գործի շրջանակներում. Սասուն Խաչատրյան (Տեսանյութ)
ՀՀ երրորդ նախագահ Սերժ Սարգսյանը կհարցաքննվի «Մարտի 1»-ի գործի շրջանակներում:
Այս մասին այսօր լրագրողներին հայտնեց Հատուկ քննչական ծառայության պետ Սասուն Խաչատրյանը:
«Բազմիցս նշել եմ, որ հարցաքննվելու են բոլորը , ովքեր առնչություն են ունեցել այս գործին: Առանց բացառության: Եվ, այո՛, հարցաքննվելու է նաև Սերժ Սարգսյանը», - փոխանցում է Tert.am-ը:
ՀՔԾ պետը նաև կարծիք հայտնեց ՀՀ 2-րդ նախագահ Ռոբերտ Քոչարյանի փաստաբանների կողմից «իրավական անգրագիտություն» որակմանը ՀՔԾ արձագանքին՝ ՀՀ Վերաքննիչ դատարանի՝ ՀՀ 2-րդ նախագահի խափանման միջոցը փոխելու և առաջին ատյանի որոշումը բեկանելուց հետո:
«Յուրաքանչյուր մարդու դաստիարակության մակարդակից է կախված հայտնված կարծիքի երանգը: Օրինակ՝ ես երբեք թույլ չեմ տա մյուս իրավաբանի գործունեությունը դրսևորել որպես անգրագիտություն»,– լրագրողի հարցին ի պատասխան ասաց Սասուն Խաչատրյանը:
ՀՔԾ պետը նշեց, որ ինքն ընդամենը բնորոշել է, որ Վերաքննիչ դատարանի որոշումն ապօրինի է:
«Եվ պատկերացրե՛ք՝ ՀՔԾ-ն բողոքարկման լիազորություն չունի, և պատկերացրե՛ք, որ բնորոշումը շատ մեղմ է»:
Մանրամասները՝ Tert.am-ում