Չի բացառվում, որ Վազգեն Մանուկյանն այլևս չղեկավարի Հանրային խորհուրդը և մասնակցի ընտրություններին
«Ժողովուրդ» օրաթերթը գրում է․ «Չի բացառվում, որ առաջիկայում Վազգեն Մանուկյանն այլևս չղեկավարի Հանրային խորհուրդը:
«Ժողովուրդ» օրաթերթի հարցին, թե դուք կրկին հավակնո՞ւմ եք Հանրային խորհրդի նախագահի պաշտոնին, Մանուկյանը պատասխանել է. «Երբ խորհրդի 45 անդամներն ընտրվեն, վարչապետը կնշանակի խորհրդի նախագահ»: Իսկ հարցին, թե ինքներդ ցանկություն ունե՞ք նորից աշխատելու, պարոն Մանուկյանը նշել է. «Նայած` ինչ խնդիրներ կդրվեն Հանրային խորհրդի առջև: Ես կուզեի շարունակել, բայց եթե ընտրությունները լինեն, մեր կուսակցությունը գուցե մասնակցի, և հնարավոր է… ես ավելի լավ կլինի` զբաղվեմ այդ գործերով: Կերևա ապագայում»:
Ինչ վերաբերում է Հանրային խորհրդի հասցեին վարչապետ Նիկոլ Փաշինյանի նախկինում հնչեցրած քննադատություններին, Մանուկյանն ասել է. «Դա կարևոր չի: Հիմա ինքը վարչապետ է և պետք է ծանոթանա, թե դա աշխարհում ինչ գործընթաց է: Եվ օրենքը պարտադրում է, որպեսզի ձևավորվի նոր Հանրային խորհուրդ: Որոշում ընդունողը կառավարությունն է»»:
Առավել մանրամասն՝ թերթի այսօրվա համարում: