Թուրքիայի նախագահական ընտրությունների նախնական արդյունքները
Թուրքիայում հայտնի են արտահերթ խորհրդարանական ու նախագահական ընտրությունների նախնական արդյունքները:
Ինչպես հաղորդում է «Արմենպրես»-ը, թուրքական «Անադոլու» գործակալության տվյալներով`ընտրություններին մասնակցել է ավելի քան 59 մլն 354 հազար քաղաքացիների 87.1 տոկոսը:
Նախագահի ընտրության քվեաթերթիկների 75,7 տոկոսի հաշվարկի արդյունքում` Թուրքիայի գործող նախագահ, «Արդարություն և զարգացում» կուսակցության (ԱԶԿ) թեկնածու Ռեջեփ Թայիփ Էրդողանը ստացել է ձայների մեծամասնությունը` 54,6 տոկոսը: Նրանից հետո երկրորդ տեղում է քեմալական Հանրապետական ժողովրդական կուսակցության (ՀԺԿ) թեկնածու Մուհարեմ Ինջեն` 29,6 տոկոս ձայներով: «Լավ» կուսակցության թեկնածու Մերալ Աքշեները ստացել է ձայների 7,4, իսկ քրդամետ Ժողովուրդների դեմոկրատական կուսակցության (ԺԴԿ) բանտարկված թեկնածու Սելահաթթին Դեմիրթաշը` 7,1 տոկոսը:
Մանրամասները՝ սկզբնաղբյուր կայքում: