Գլխավոր դատախազն ընթերցեց աշակերտի՝ զինվորին գրած նամակը (տեսանյութ)
ՀՀ գլխավոր դատախազ Արթուր Դավթյանը ԱԺ- ում պատմության մեջ առաջին անգամ երկու միջնորդություն է ներկայացնում՝ ինչպես Մանվել Գրիգորյանին անձեռնամխելիությունից զրկելու, այնպես էլ ազատությունից զրկելու հարցերով։
Գլխավոր դատախազը քիչ առաջ ներկայացրեց Մանվել Գրիգորյանին պատկանող տարածքներում ազգային անվտանգության ծառայության խուզարկությունների արդյունքները:
Մեծաքանակ զենք- զինամթերքի, ավտոմեքենաների, սննդից բացի՝ հայտնաբերվել են նաև դպրոցականների նամակներ, որոնց բովանդակությունը հուշում է, որ երրորդ դասարանի աշակերտներն իրենց զորակցությունն են հայտնում ապրիլյան պատերազմի ժամանակ առաջնագծում գտնվողներին:
Գլխավոր դատախազն ազգաին ժողովի ամբիոնից ընթերցեց այդ նամակներից մեկը.
«Ես հավատում եմ, որ դու ամուր կպահես մեր երկրի սահմանները, պատվով կկատարես հայրենիքիդ ու հողիդ առաջ պարտքը»,- գրված է նամակում: