Էրդողանը քաղաքացիներին կոչ է արել թուրքական լիրան օտար արտարժույթով չփոխանակել
Վերջին շրջանում դոլարի և եվրոյի նկատմամբ անընդհատ անկումներ գրանցող թուրքական լիրան մայիսի 21-ին պատմական ռեկորդ է գրանցել։
Այդ օրը Թուրքիայի բնակիչները բորսաներում գործարքները կատարել էին 1 դոլարը 4.53 լիրա հարաբերակցությամբ, իսկ 1 եվրոն՝ 5.32 լիրա հարաբերակցությամբ։
Թուրքական լիրայի արժեզրկումն անհանգստություն է առաջացրել Թուրքիայի կառավարության շրջանում։ Հարցի շուրջ խոսել է Թուրքիայի նախագահ Ռեջեփ Թայիփ Էրդողանը։ Ըստ նրա՝ նման իրավիճակը ժամանակավոր է և ամեն ինչ վերահսկողության տակ է։
«Դիմում եմ ողջ իմ ժողովրդին, խնդրում եմ օտար արտարժույթով մի փոխանակեք ձեր լիրաները: Շարունակեք օգտագործել ազգային արժույթ։ Սա է իսկական ազգասիրությունը և հայրենասիրությունը։ Եթե մենք այդպես անենք, մեզ համար ավելի լավ կլինի»,-ասել է Էրդողանը։
Timeturk
Աղբյուր` Ermenihaber.am