Վ. Հովհաննիսյանը և Ս. Մարգարյանը Լապշինին Ադրբեջանին արտահանձնելու մասին (տեսանյութ)
ՀՀ Ազգային ժողովի պատգամավոր, «Համախմբում» կուսակցության վարչության անդամ Վահե Հովհաննիսյանն այսօր Ազգային ժողովի նիստում անդրադարձավ բլոգեր Ալեկսանդր Լապշինին, որը նախօրեին հատուկ չվերթով Մինսկից տեղափոխվեց Բաքու, վերջինիս նրան արտահանձնելու պահանջով:
«Տպավորություն չստեղծվի, որ ամբողջ աշխարհը մեր դեմ է և մենք միայնակ պայքարում ենք ողջ աշխարհի դեմ: Հարցը չպետք է շատ դրամատիզացնել այն առումով, որ այն մի քանի շերտ ունի: Այո, դա ժողովրդավարության նորմերի կոպիտ խախտում է, բայց դրա հետ աշխատելու խողովակները մի փոքր այլ են, ոչ թե բոցաշունչ ելույթները Հայաստանի խորհրդարանում: Խոսքը գնում է Ռուսաստանի և այլ պետության քաղաքացու մասին, այո, մենք այդ պետությունների հետ պետք է աշխատենք, քանի որ դա նաև իրենց խնդիրն է», - ասաց պատգամավորը, հավելելով, ինչ վերաբերվում է կոշտ քայլերին, օրինակ, ՀԱՊԿ-ից կամ ԵԱՏՄ-ից դուրս գալուն «իռացիոնալ լուծումներ են, մենք շատ հեշտ կարող ենք ներքաշվել խնդիրների մեջ, որը մերը չի...»:
«Համախմբում» կուսակցության փոխնախագահ Ստեփան Մարգարյանն էլ ասաց, որ գոյություն ունի լուծման ենթակա երկու խնդիր. «Մեկն այն է, որ դիվանագիտական խողովակները և խորհրդարանական դիվանագիտության լծակները օգտագործելով՝ պետք է փորձել ինչ–որ բան անել, և երկրորդը մենք, այնուամենայիվ կարծում ենք, որ պարտավոր ենք ինչ–որ ուղերձ հղել բոլոր այն մարդկանց, քաղաքական գործիչներին, մտավորականներին, ովքեր ինչ–որ ձևով Լեռնային Ղարաբաղի շուրջ են համախբված և ինչ–որ բան անում են։ Եթե նրանցից մեկին, տարրական մարդու իրավունքները խախտելով՝ նման իրավիճակի մեջ են գցում, պետք է ուղերձ հղել միջազգային հանրությանը: Երևի հայտարարությունը ճիշտ է»:
Մանրամասները՝ Zham.am-ի տեսանյութում:
Zham.am