Խորհրդարանական ընտրությունները լինելու են ՀՀԿ-ի վերջնական վախճանը. Նաիրա Զոհրաբյան (Տեսանյութ)
ՀՀԿ-ում կարծում են, որ իրեն համար չարյաց նվազագույնի տարբերակն են ընտրել, լրագրողներին ասաց «Ծառուկյան» խմբակցության պատգամավոր Նաիրա Զոհրաբյանը:
«Մեկ րոպե անգամ չեմ կասկածում, որ 7 օր հետո ևս ԱԺ-ում դեմ են քվեարկելու Նիկոլ Փաշինյանի թեկնածությանը: Արդեն գործելու է Սահմանադրության հաջորդ նորմը՝ ԱԺ լուծարում, ոչ շուտ քան 30 և ոչ ուշ քան 45 օրվա ընթացքում արտահերթ խորհրդարանական ընտրությունների անցկացում», - նշեց Զոհրաբյանը:
Ըստ Զոհրաբյանի՝ հաջորդ ԱԺ ընտրություններին Հանրապետականն այլևս չի գնա ՀՀԿ անվան տակ: Նա նշեց, որ ՀՀԿ-ն մեկ նպատակ ունի՝ ընտրությունների գնալ եղած ընտրական օրենսգրքով:
«Հանրապետական կուսակցություն այլևս գոյություն չունի և ցանկացած քայլ, այս կամ այն կերպ երկարաձգելու սեփական գոյությունը, դատապարտված է վերջնական ձախողման: Նույնսիկ եթե այսօր բոլոր լծակները տոտալ կերպով լինեն Հանրապետականի ձեռքում, միևնույն է առաջիկա արտահերթ խորհրդարանական ընտրությունները լինելու են այդ կուսակցության վերջնական վախճանը, ինչ անունով էլ այն գնա ընտրությունների», - նշեց նա:
Մանրասմները՝ Aysor.am-ի տեսանյութում: