Հարթակից քաղաքական բովանդակություն խիստ պակաս կա
Հարթակից քաղաքական բովանդակություն խիստ պակաս կա։ Ինչքան էլ ինքնաբուխ լինեն ելույթները, ինչքան էլ հանպատրաստից ու տեղում ծնվող, ինչքան էլ սիրված դերասանները ցանկանան իրենց խոսքով վարակեն ներկա մարդկանց, ամեն դեպքում սա քաղաքական գործըթնաց է, որին պետք է քաղաքական բովանդակություն։
Լավ կլիներ, որ ինքնաբուխ ելույթների կողիքն լինեին նաև մտածված, թղթի վրա գրված քաղաքական տեքստեր, որոնք հանգիստ, առանց գոռում գոչյունների, հանգիստ կընթերցվեին ներկաների համար։ Ի վերջո սա համերգի լսարան չէ, հանրահավաքին ներկա են ՀՀ քաղաքացիներ, որոնց պետք ա նաև կրթող, ուսուցանող, օրենքին ծանոթացնող տեքստեր մատուցվեն։ Եթե դա չեղավ, միայն ոգևորության ու էյֆորիայի վրա այս ամենը երկար չի կարա պահվի, հատկապես որ շարժման հարթակից միակ քաղաքական բովանդակություն ու ուղերձներ հնչեցնող գործիչը՝ Նիկոլ Փաշինյանը հիմա ձերբակալված ա։
Ի դեպ հենց դա էր նաև, որ 2008-ի հանրահավաքները դարձրել էր աննախադեպ ու անգերազանցելի։ Հանրահավաքների ուժը մենակ մարդկանց քանակով չի չափվում, այլ նաև դրանց բովանդակությամբ։ Իսկ եթե մի քիչ խորը մտածենք, ցանկացած շարժման առաջին կարևորությունը հենց բովանդակությունն ա, հետո նոր մասնակիցների քանակը։
Վլադ Հովհաննիսյանի ֆեյսբուքյան էջից