Այսօր ոստիկանության առավել ագրեսիվ լինելու պատճառը Նիկոլ Փաշինյանի ողջույնն է «Սասնա ծռերին»
Ոստիկանությունը տվյալներ է հայտնել, որ ժամը 13:30-ի դրությամբ ոստիկանություն է բերվել 62 ցուցարար: Չնայած երեկ ժամը 13:00-ի դրությամբ բեվածների թիվը հասնում էր 107-ի, բայց այսօր ոստիկանության պահվածքն առավել ագրեսիվ է:
Եթե ցույցի նախորդ օրերին ոստիկանության ծառայողները բանակցում էին քաղաքացիների հետ, հորդորում՝ օրինակ մեքենաները տեղափոխել երթևեկելի մասից, ապա այժմ միանգամից ձեռնամուխ են լինում այն տեղափոխելուն, ագրեսիվ վարք են դրսևորում և բացի այդ անգամ քաղաքացիներին մեքենաներ տեղափոխելիս չեն հետևում նրանց հորդորներին, տարիքին և այլն:
Ոստիկանության հոծ խմբերում սակայն այդ ագրեսիվության պատճառը մեկնաբանվում է:
Ագրեսիվ վարքագիծ դրսևորելու պատճառն այն է, որ երեկ Նիկոլ Փաշինյանը հանրահավաքի ժամանակ ողջունել է «Սասնա ծռերին»: Ոստիկանության աղբյուրները փոխանցում են, որ ներքին էմոցիան ու իրենց գործընկերների հանդեպ սպանության մեջ մեղադրվողներին ողջունողների հանդեպ ոստիկանության զգացմունքները հրամաններով ու օրենքով չի կարգավորվում:
Zham.am