Խոշոր ավտովթար Երևան-Սևան՝ «Արծվի թևեր» հատվածում. 23-ամյա վարորդը BMW-ով բախվել է ծառերին և գլխիվայր շրջվելով հայտնվել ճանապարհի մեջտեղում
Երեկ՝ ապրիլի 2-ին, խոշոր ավտովթար է տեղի ունեցել Կոտայքի մարզում։
Ժամը 23։30-ի սահմաններում Հրազդան քաղաքի բնակիչ՝ 23-ամյա Սուրեն Նահապետյանը Երևան-Սևան ավտոճանապարհի 15-րդ կմ հատվածում՝ «Արծվի թևեր» արձանի մոտ, իր վարած BMW մակնիշի 71 VՍ 711 համարանիշի ավտոմեքենայով դուրս է եկել ճանապարհի երթևեկելի գոտուց, բախվել բաժանարար գոտում եղած ծառերին և մոտ 30 մետր գլխիվայր շրջվելով՝ հայտնվել ճանապարհի մեջտեղում։
Ինչպես դեպքի վայրից հայտնում է ֆոտոլրագրող Գագիկ Շամշյանը, ըստ նախնական տեղեկությունների՝ վթարի հետևանքով, բարեբախտաբար, զոհեր և վիրավորներ չկան։ Փրկարարները հոսանքազրկել են ավտոմեքենան, փակել գազաբալոնն ու սահմանազատել տարածքը, այնուհետև ճանապարհային ոստիկանների ու քաղաքացիների օգնությամբ ավտոմեքենան դարձի են բերել, որից հետո կատարել են ճանապարհի լվացման աշխատանքներ։
Փաստի առթիվ նյութեր են նախապատրաստվում։
Մանրամասները և լուսանկարներ՝ Shamshyan.com - ում: