Պայթյուն է տեղի ունեցել Հյուսիսային պողոտայի «Բուրգեր Քինգում». Ուղիղ միացում. Լուսանկարներ (թարմացվող)
23:43
Բժշկական կենտրոն ժամանած ԱԺ նախագահ Արա Բաբլոյանը հայտնեց, որ վիրահատվող երեխան՝ Ռուբինա Մարկոսյանը, ազդրի լուրջ վնասվածք է ստացել, բարեբախտաբար, ոսկորը չի վնասվել. հիվանդանոց տեղափոխված մյուս վիրավորների վիճակը կայուն է:
22:24
ԱԻՆ-ի պաշտոնական կայքը ճշգրտում է, որ միջադեպի հետևանքով կա 8 տուժած՝ Ռուդոլֆ Մարկոսյան (6 տարեկան), Ռուբինա Մարկոսյան (8 տարեկան), Զարուհի Մելիքյան (19 տարեկան), Էրիկ Աշուղյան (24 տարեկան, ԻԻՀ քաղաքացի), Ալյոնա Ագապովա (15 տարեկան, ՌԴ քաղաքացի), Լիզա Աբրահամովա (15 տարեկան, ՌԴ քաղաքացի), Յարոսլավ Լյուբենկո (15 տարեկան, ՌԴ քաղաքացի), Զեյնա Հուսեինի (24 տարեկան, ԻԻՀ քաղաքացի):
22:15
Tert.am-ին «Սուրբ Գրիգոր Լուսավորիչ» ԲԿ-ից տեղեկացրին, որ տուժածներից մեկին՝ 8-ամյա երեխային, այս պահին վիրահատում են:
22։05
ԱԻՆ արձագանքման գնդի պետ, փոխգնդապետ Ոսկանյանը Ազատություն ռադիոկայանի ուղիղ եթերում լրագրողների հետ զրույցում նշեց, որ տուժածներից մեկը 8-ամյա երեխա է, ում վիճակը ծանր է, վիրավորներից մեկն էլ եղել է Բուրգեր Քինգի աշխատակից 19-ամյա աղջիկ է։
21։42
ԱԻՆ-ի պաշտոնական կայքը տեղեկացնում է, որ միջադեպի հետևանքով կա 9 տուժած (այդ թվում օտարերկրյա քաղաքացիներ) ովքեր տեղափոխվել են «Սուրբ Գրիգոր Լուսավորիչ» ԲԿ։ Նրանց առողջականի մասին տեղեկություն չի հայտնվում։
21։40
Ոստիկանության ԶԼՄ-ների հետ կապի, վերլուծության և լրատվության բաժնի պետ Էդգար Ջանոյանից էլ Tert.am-ը տեղեկացավ, որ 20։40-ի սահմաններում տեղի ունեցած պայթյունի պատճառը եղել է շինության ներսում գարեջրի ճնշումն ապահովող բալոնը։ 7 տուժածների վիճակի մասին հստակ տեղեկություն դեռ չկա։
--------------------
Ապրիլի 2-ին՝ ժամը 20:44-ին, Արտակարգ իրավիճակների նախարարություն ահազանգ է ստացվել, որ Երևան քաղաքի Հյուսիսային պողոտայում տեղի է ունեցել պայթյուն, կան տուժածներ. անհրաժեշտ է փրկարարների օգնությունը:
Դեպքի վայր են մեկնել չորս մարտական հաշվարկ, Ճգնաժամային կառավարման ազգային կենտրոնի արտակարգ իրավիճակների և օպերատիվ խմբերը:
Կտրվի լրացուցիչ տեղեկություն:
Tert.am-ի հետ զրույցում ԱԻՆ-ի մամուլի քարտուղար Նանա Գնդոյանը հայտնեց, որ նախնական տվյալներով տուժել է 7 հոգի, զոհեր չկան։ Պայթյունը տեղի է ունեցել խոհանոցում պայթած գազաբալոնի հետևանքով։