Կընդլայնվի մայրաքաղաքի ոռոգման համակարգը

16 Մարտ, 2018 14:45

Դիտել նաև

Քաղաքապետարանը շալախ տեսակի մեկ ծիրանենին գնել է 19 500 դրամով Երևանի քաղաքապետարան, սա ձեր անգործության հետևանքն է «Երևանի քաղաքապետարանը շուրջ 1 միլիարդ դրամի միջոցառումների կազմակերպման ոչ մրցակցային ընթացակարգեր է կիրառել». Արմենուհի Բուռնազյան (տեսանյութ) Քաղաքապետարանը 4000 դրամանոց 100 հատ կրծքանշան է գնել. «Հրապարակ» Երևանցու վրա թքած ունենալու նուրբ արվեստը կամ ինչպես պատժել երևանցիներին (տեսանյութ)

Երևանի զարգացման հնգամյա ծրագրով առաջիկա տարիներին աշխատանքներ կտարվեն նաև մայրաքաղաքի ոռոգման համակարգի ընդլայնման ուղղությամբ: Ընդհանուր օգտագործման կանաչ տարածքների ավելացման նպատակով 2018 թվականի ծրագրով մայրաքաղաքի ոռոգման ցանցը կերկարի ևս շուրջ 5 կիլոմետրով: Մասնավորապես, Արաբկիր վարչական շրջանում նոր խողովակաշար է անցկացվում Մանկական զբոսայգուց մինչև Հրազդան գետն իջնող հատված, որտեղ այն կմիանա նորաստեղծ պոմպակայանին:

Արդյունքում՝ գետից պոմպով մղվող ջուրը կոռոգի Փափազյան, Խաչատրյան, Դեմիրճյան փողոցներին, ինչպես նաև Կոմիտասի, Բաղրամյան պողոտաներին հարակից կանաչ տարածքները: Նոր ջրագիծ կստեղծվի նաև Կենտրոն վարչական շրջանի Մոսկովյան փողոցից մինչև Նալբանդյան փողոց ընկած հատվածում գտնվող կանաչ տարածքների ոռոգման նպատակով: Շենգավիթ վարչական շրջանի Մանանդյան և Շիրակի փողոցներին հարակից տարածքների համար նույնպես կկառուցվի ոռոգման նոր ջրագիծ:

Հարկ է նշել, որ վերջին տարիներին բակերի համալիր բարեկարգման և նոր այգիների ու պուրակների ստեղծման աշխատանքներում ևս առանձնահատուկ ուշադրություն է դարձվում ոռոգման ցանցերի անցկացմանն ու կանաչ տարածքների ընդլայնմանը:

Երևանի քաղաքապետարանի տեղեկատվության
և հասարակայնության հետ կապերի վարչություն