Մարտի 11-ին ՏԻՄ ընտրությունները հիմնականում մեկթեկնածուանոց են եղել, և ընտրվել են միակ թեկնածուները
Մարտի 11-ին Հայաստանում անցկացված ՏԻՄ ընտրություններում համայնքների գերակշիռ մասում առաջադրված էին մեկական թեկնածուներ, օրինակ՝ Կոտայքի մարզի Հացավան, Արարատի մարզի Զորակ, Խաչփար, Հայանիստ, Նիզամի, Սիս, Արմավիրի մարզի Մեծամոր և բազմաթիվ այլ համայնքներում:
Արագածոտնի մարզի Դդմասար գյուղում գրանցված միակ թեկնածուն՝ Ռաշիդ Օսեյանը, ըստ նախնական արդյունքների, համայնքի ղեկավար է ընտրվել 35 կողմ և 3 դեմ ձայներով: 3 քվեաթերթիկ ճանաչվել է անվավեր:
Արարատի մարզի Սայաթ-Նովա համայնքում էլ գրանցված է եղել մեկ թեկնածու՝ Ռազմիկ Ալավերդյանը, ով ընտրվել է բավական շատ՝ 200 դեմ ձայների պարագայում, իսկ 51 քվեաթերթիկ ճանաչվել է անվավեր:
Արմավիրի մարզի Մեծամոր գյուղում էլ միակ թեկնածու Էդվարդ Միրզոյանը համայնքի ղեկավար է ընտրվել 315 կողմ և 1 դեմ ձայներով:
Աղբյուրը՝ Tert.am