Պուտինը՝ ատոմային ռումբ կիրառելու մասին. «Եթե դա Ռուսաստանը կործանելու որոշում է, ուրեմն մենք իրավունք ունենք պատասխանել» (Տեսանյութ)
Ռուսաստանը կարող է միջուկային զենք կիրառել միայն որպես պատասխան հարված, ինչn աշխարհի համար աղետալի կլինի: «Աշխարհակարգ-2018» ֆիլմի համար տված հարցազրույցում նման հայտարարությամբ է հանդես եկել Ռուսաստանի նախագահ Վլադիմիր Պուտինը: Այս մասին տեղեկացնում է «Լենտա»-ն:
«Այո՛, մարդկության համար դա գլոբալ աղետ կլինի, աշխարհի համար դա գլոբալ աղետ կլինի: Սակայն ես, որպես Ռուսաստանի քաղաքացի և պետության ղեկավար՝ ուզում եմ հարց տալ. իսկ ինչների՞ս է պետք այդպիսի աշխարհը, եթե այնտեղ չի լինելու Ռուսաստանը»,-ասել է Պուտինը:
ՌԴ ղեկավարն ընդգծել է նաև, որ պաշտոնական Մոսկվան կարող է միջուկային զենքը կիրառել միայն այն դեպքում, եթե hրթիռային հարձակման մասին ահազանգող համակարգը կգրանցի հակառակորդի կողմից արձակված հրթիռը և կհաշվարկի Ռուսաստանի վրա ընկնելու հետագիծն ու ժամանակը:
«Դա կոչվում է պատասխան հարված: Եթե դա Ռուսաստանը կործանելու որոշում է, ուրեմն մենք իրավունք ունենք պատասխանել», - ասաց Պուտինը՝ ընդգծելով, որ Ռուսաստանի պարագայում խոսել միջուկային զենքի կիրառման մասին կոռեկտ չէ, քանի որ Ռուսաստանը չէ, որ առաջինը ստեղծել է ատոմային ռումբը և կիրառել այն Ճապոնիայի դեմ:
Zham.am