ՀՀԿ-ի տրանսֆորմացիան ու Շմայսի ակտիվությունը
Քաղաքապետարանի դեպքերից հետո Շմայսը ակտիվացել է և ասել է, որ եթե ինքն այնտեղ լիներ, ապա թույլ չէր տա, որ նման դեպք տեղի ունենար: Հետո զանգել է ԵԼՔ-ի անդամներից մեկին ու սպառնացել:
Շմայսի ակտիվության պատճառը կարևոր է հասկանալ, որովհետև դա բացատրում է ՀՀԿ-ի տրանսֆորմացիայի տրամաբանությունը:
Առաջին խորհրդարանում` Գերագույն Խորհրդում, ընդդիմադիրների քանակը մեծ էր և նրանց ակտիվությունը ՀՀՇ-ի համար լուրջ պրոբլեմներ էր ստեղծում: 1995-ի խորհրդարանական ընտրությունների ժամանակ պառլամենտում հայտնվեցին որոշակի տիպի կերպարներ "вышибалы", որոնք ընդդիմադիր պատգամավորներին ֆիզիկական ներգործության սպառնալիք էին ստեղծում: Դրա գագաթնակետը 1996 հայտնի դեպքերն էին, երբ մի շարք պատգամավորներ ԱԺ-ում դաժան ծեծի ենթարկվեցին: Դրանից հետո նման դեպքերը կրկնվում էին ու դրա համար ամեն խորհրդարանում մի քանի ծեծողներ էին տանում չենթարկվողներին վախեցնելու համար, այդ թվում նաև յուրայիններին:
Շմայսի դերը պատգամավոր ծեծելն էր, կամ թեկուզ վախեցնելը:
"Անհասկանալի" պատճառներով Շմայսին չտարան գործող խորհրդարան, երևի իր կարիքը այլևս չկա ու ինքը խաղից դուրս է մնացել: Քաղաքապետարանի դեպքը լավ առիթ էր հիշեցնելու իր մասին ու մեսիջ ուղարկել, որ "իզոր եք ինձ խաղից դուրս թողել, ես դեռ պետք եմ", նաև մտածում է, որ դեռ շատ են փոշմանելու ու զգալու են իր կարիքը: Լինելով "հրապարակային" դեմք, նա չի կարողանում համակերպվել ստվերում մնալուն ու ցանկանում է վերականգնել իր սոցիալական դերակատարությունը:
Իմ կարծիքով դա իր անձնական նախաձեռնությունն էր ու նպատակն իր մասին հիշեցնելն էր: Դա նաև ցույց է տալիս, որ ՀՀԿ-ն այնքան էլ լավ չի վերահսկվում և ինքնագործունեություն միշտ է լինում է, երբ անձնական շահերին են կպնում:
ՀՀԿ-ից շատերն են խաղիղ դուրս մնում ու նման ինքնաբուխ "ինքնագործունեության" դեպքեր դեռ շատ ենք տեսնելու, այդ թվում նաև խմբակային դրսևորմամբ:
Ստեփան Դանիելյանի ֆեյսբուքյան էջից