Արմեն Աշոտյանը պատրաստ է Սերժ Սարգսյանի թեկնածությունն առաջադրել վարչապետի պաշտոնում
«Հայկական ժամանակ» թերթը գրում է. «ՀՀԿ փոխնախագահ Արմեն Աշոտյանը երեկ «Ազատություն» ռ/կ-ի եթերում հայտարարեց, թե ինքը պատրաստ է Սերժ Սարգսյանի թեկնածությունն առաջադրել վարչապետի պաշտոնում:
«Մի հետաքրքիր դիտարկում անեմ՝ երբ որ այս հարցը (Սերժ Սարգսյանին վարչապետի թեկնածու առաջադրելու մասին-խմբ.) լսում եմ մեր լրատվամիջոցներից, հիշում եմ հետևյալ հանգամանքը՝ կարծում եմ, կհամաձայնեք ինձ հետ, շատ դասականների ստեղծագործություններ կան՝ գրքեր, որոնք հետո բեմադրվում են, կամ ֆիլմ են նկարահանում, բոլորս գիտենք՝ ավարտն ինչպիսին է լինելու դասական գործերի, բայց բոլորս մինչև վերջ այդ ֆիլմերը նայում ենք, կարծում եմ, որ սա այդ դեպքերից է»,- «Ազատության» եթերում ասել է Աշոտյանը:
ՀՀԿ փոխնախագահը, բնականաբար, ակնարկում է՝ սպասեք մեր գրած սցենարի իրականացմանը:
Արմեն Աշոտյանի ակնարկած ֆիլմի ուշագրավ մասերի «ցուցադրմանը» դեռ տևական ժամանակ կա: Այստեղ հարց է առաջանում՝ ՀՀ քաղաքացին սովորականի նման այս ֆիլմի ընթացքին էլ կհետևի՞ հուզախառն զգացմունքերով, ինչպես հնդկական սերիալներն է նայում կամ կատակերգությունները՝ «պոպկորնով», թե՞ կփոխի ֆիլմի սցենարը»:
Առավել մանրամասն՝ «Հայկական ժամանակ» թերթի այսօրվա համարում: