Անհրաժեշտ է մանրամասն վերլուծել «կրեմլյան զեկույցը». Պեսկով (Տեսանյութ)
Վստահելի անձանց հետո հանդիպման ընթացքում Ռուսաստանի նախագահ Վլադիմիր Պուտինին ամենայն հավանականությամբ կհարցնեն «կրեմլյան զեկույցի» մասին: Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը:
Պեսկովը մինչեւ ցուցակի հրապարակումը հրաժարվել է ավելի մանրամասն մեկնաբանություններ տալ: Ըստ նրա՝ զեկույցն անհրաժեշտ է ուշադիր վերլուծել: «Նախեւառաջ պետք է հասկանալ եւ հետո միայն ձեւակերպել դիրքորոշումը», - հայտարարել է Պեսկովը:
Նա նաեւ հավելեց, որ նման ցուցակի հրապարակումը կարող է վնաս հասցնել ցուցակում ընդգրկված գործարարների եւ քաղաքական գործիչների հեղինակությանը:
Հիշեցնենք, որ այսօր ԱՄՆ ֆինանսների նախարարությունը պատրաստել է պատժամիջոցների նոր օրենքով նախատեսված «կրեմլյան ցուցակը»:
Ռուսաստանաբնակ հայ գործարարներ Սամվել Կարապետյանը, Դանիլ Խաչատուրովը, Սերգեյ Գալիցկին (Հարությունյան) ընդգրկվել են այդ «Կրեմլյան զեկույց»-ում:
Bloomberg-ը նշում է, որ չնայած ցանկում հայտնված անձինք չեն հայտնվում պատժիչ միջոցների տակ, ինչպիսին է հաշիվների սառեցումը կամ վիզաների արգելքը, նրանց ներառումը կարող է հետ կանգնեցնել ԱՄՆ-ում և Եվրոպայում գտնվող բանկերին և այլ կառույցների նրանց հետ բիզնես վարելուց:
Zham.am