Վահե Հովհաննիսյան. Հայաստանում փոփոխությունները կարող են լինել միայն վերեւից (Տեսանյութ)
Ապրիլի 2-ի խորհրդարանական ընտրությունների արդյունքում շատ քաղաքական ուժեր պարտություն կրեցին: Չնայած դրան հույս կար, որ քաղաքական ուժերը կկարողանան արագ վերագտնել իրենց և իպայքարը կշարունակեն խորհրդարանից դուրս, այսպես ասած փողոցում։ Հայաստանում քաղաքական պայքարի այդպիսի փորձ եղել է՝ 2007թ․ Լևոն Տեր-Պետրոսյանին աջակցող քաղաքական ուժերից և ոչ մեկը խորհրդարանում ներկայացված չէր, մինչև Ժառանգության աջակցությունը Լևոն Տեր-Պետրոսյանին 2008թ․փետրվարի վերջին։ Հրապարակներն ու փողոցները շարունակում են մնալ դատարկ նույնիսկ այսօր, երբ առաջիկա շաբաթներն ու ամիսները բախտորոշ են լինելու խորհրդարանական կառավարման անցնող Հայաստանի հանրապետության համար։ Երկրում շարունակում է սուր մնալ արտագաղթի, սոցիալական բևեռացվածության, աղքատության, մենաշնորհների, քրեաօլիգարխիայի հիմնախնդիրները, բայց քաղաքական ուժերը այդ բոլորը բավարար չեն համարում քաղաքական ակտիվ պայքարի մեկնարկ ազդարարելու համար։
Թեմայի շուրջ 1in.am-ի տաղավարում Սիրանույշ Պապյանը զրուցեց Ազգային ժողովի նախկին պատգամավոր, Այլընտրանքային նախագծեր խմբի անդամ Վահե Հովհաննիսյանի հետ, ով այս խնդիրների շուրջ քանիցս հանդես է եկել հրապարակախոսական հոդվածներով և ելույթներով: