Էներգետիկայի նախարարի ամենահավանական թեկնածուն տիկնոջից աղքատ է
«Ժողովուրդ» թերթը գրում է. «ՀՀ վարչապետի գլխավոր խորհրդական Էդուարդ Ներսիսյանն այն պաշտոնյաներից է, ում կինն ավելի հարուստ է, քան ինքը:
«Ժողովուրդ» օրաթերթը տեղեկացավ, որ նա պաշտոնը ստանձնելիս հայտարարագրել է, որ ունի մեկ բնակարան, ավտոմեքենա չունի, իսկ դրամական միջոցները կազմում են ընդամենը 3000 դոլար: Որպես եկամուտ՝ անցած տարվա ընթացքում հայտարարագրել է ստացած ամսական մոտ 195 հազար դրամի չափով աշխատավարձը:
Իսկ ահա պաշտոնյայի կնոջ` Անուշ Աթայանի դրամական միջոցները կազմել են 28 հազար 110 դոլար և 881 հազար դրամ: Որպես եկամուտ՝ նրա տիկինը հայտարարագրել է 405 հազար դրամ ամսական աշխատավարձը և մեկ ընկերությունից 25 մլն դրամի չափով ստացած շահաբաժինը:
Ի դեպ, այս օրերին Ներսիսյանը համարվում է էներգետիկ ենթակառուցվածքների և բնական պաշարների նախարարի հավանական թեկնածուն»:
Առավել մանրամասն՝ «Ժողովուրդ» թերթի այսօրվա համարում: