Սեյրան Սարոյան. Տո չէ հա, ու՞ր ա ընդե ընդդիմություն (Տեսանյութ)
ԱԺ «Ելք» խմբակցության կողմից ամեն քվեարկությունից առաջ 20 րոպե ընդմիջում վերցնելը զայրացրել է ՀՀԿ խմբակցության գեներալ պատգամավորներին: Նրանցից Մանվել Գրիգորյանը նիստերի դահլիճից դուրս գալուց հայհոյեց, իսկ Սեյրան Սարոյանը դժգոհեց և շեշտեց, որ ինքը վատառողջ է:
Սեյրան Սարոյանն, արձագանքելով դիտարկմանը, որ թեև «Ելք»-ը մնացել է, բայց չի մասնակցում քվեարկությանը, ասաց. «Ահ, զատո իրենց գործն անում են, ջայնամ չեն քվեարկում: Լսի, մի բան, որ գիտես չի անցնելու, հա թող չմասնակցեն, մեկ ա առանց իրանց էլ կքվեարկենք: Բայց գործը սենց խանգարել, սենց ընդհատել չի կարելի, չէ՞: 20 րոպե զա կայֆ, հա ի՞նչ, յանիմ ի՞նչ, չեն էլ մասնակցում քվեարկությանը, գոնե գան, դեմ քվեարկեն, այսինքն՝ ի՞նչ ա նշանակում, գան բոյկոտե՞ն»:
Հարցին՝ չէ՞ որ «Ելք»-ն իր քաղաքական դիրքորոշում է արտահայտում, Սեյրան Սարոյանը պատասխանեց. «Ի՞նչ քաղաքական դիրքորոշում, բայց անցա՞վ, որտեղ անցավ իրանց դիրքորոշումը, քվեարկեցինք անցավ, երկու ժամ էլ ավել կմնանք, մթոմ մեզ ինչ ա եղել: Հլը տես մի հատ Նիկոլը ինչ օրն ա գցել մեզ, սարքե կուռկուռի ձագ»:
Մանրամասները՝ Factor.tv-տեսանյութում: