Գալուստ Սահակյանը վարչապետի դերում տեսնում եմ Սերժ Սարգսյանին
«Ես կցանկանամ, որ ընդդիմությունն էլ ինչ որ չափով ներկայացնի վարչապետի թեկնածու, սակայն տեսնում եմ, որ նման ռիսկային քայլերի չեն դիմում». այսօր ԱԺ-ում լրագրողներին ասաց ՀՀԿ խմբակցության պատգամավոր Գալուստ Սահակյանը: Այս մասին հայտնում է politik.am-ը:
Վերջինիս նշեց, որ այն անձը, ում տեսնում է, որպես վարչապետ՝ Սերժ Սարգսյանն է . «Այն անձը, որը մասնակցել է մեր երկրի ամբողջական ճակատագրին՝ անկախություն, պատերազմ, փորձություն, և ունի քաղաքական հենարան դա Սերժ Սարգսյանն է»:
Դիտարկմանը, թե վարչապետ Կարեն Կարապետյանը, որը անկախությանը, փորձություններին չի մասնակցել, չի՞ կարող դառնալ վարչապետ, Սահակյանը պատասխանեց . «Եթե նա այնպիսի քաղաքական ուժ ունենար, առանձին քաղաքական ուժ ունենար, գուցե կարողանար… Ես չեմ մտածում, որ անընդհատ Կարեն Կարապետյան եք ասում, խնդիրը գնում է այդ ուղղությամբ, իմ ասածը կապված է նրա հետ, որ այստեղ ոչ թե պետք է քննարկումներ լինի կամ մարդիկ մտածեն վարչապետ ով պետք է լինի, ես ասում եմ որ կլինի Սերժ Սարգսյանը, և կարծում եմ որ պետք է ամեն ինչ անենք, որ Սերժ Սարգսյանը ուզենա դառնալ վարչապետ»:
Հարցին՝ հնարավո՞ր է լինի այնպիսի իրավիճակ, որ Սերժ Սարգսյանը չկարողանա դառնալ վարչապետ, Սահակյանը պատասխանեց. «Չի կարող: Որ Սերժ Սարգսյանը չլինի վարչապե՞տ… նման երևույթ չի կարող լինել»: