Հազարավոր մարդիկ Մոսկվայում հերթ են կանգնել` Քանյե Ուեսթի բոթասը գնելու համար. Լուսանկարներ
Մոսկվայում երեկ երեք հազարից ավելի մարդ հավաքվել էր Կուզնեցկի կամրջի վրա, Adidas ֆիրմային խանութի մոտ, որպեսզի մասնակցեն ամերիկացի ռեփեր, Քիմ Քարդաշյանի ամուսին Քանյե Ուեսթի 150 զույգ սահմանափակ քանակության բոթասների խաղարկությանը, որոնց արժեքը 17 հազար ռուբլի է, այդ մասին հաղորդել է «360» հեռուստաալիքը:
Գնորդը պետք է շահեր պատահականության սկզբունքով: Սոցցանցերում հայտնված լուսանկարներից կարելի է ենթադրել, որ մարդիկ սկսել են հավաքվել դեռ նախորդ օրվանից:
Նրանք, ում "բախտը ժպտացել է", շտապել են լուսանկարվել թանկագին բոթասներով և պարծենալ սոցցանցերում:
Դեռ նոյեմբերի 3-ին համացանցում հայտնվել էր հայտարարություն` հերթում տեղ վաճառելու մասին, որի գինը ոչ ավել, ոչ պակաս iPhone X -ն էր:
Zham.am