Վեցամյա տղայի մահվան պատճառ դարձած վարորդ կինը դատարանից խնդրել է թույլ տալ դաստիարակել սեփական երեխային
Դատարանը Օլգա Ալիսովային դատապարտեց երեք տարվա ազատազրկման այն բանի համար, որ նա վրաերթի էր ենթարկել վեցամյա Ալյոշա Շիմկոյին, ինչի պատճառով տղան մահացել էր:
Դատարանը հայտնեց, որ հետաքննության արդյունքում Օլգա Ալիսովայի մեղավոր լինելը լիովին ապացուցված է, մասնավորապես, նա ղեկին խոսել է հեռախոսով, խախտել է սահմանված արագության կարգը, ինչի արդյունքում հարվածել է երեխային, հաղորդում է Life.ru կայքը:
Բացի այդ, դատարանը որոշեց նյութական վնասի չափը` 60 հազար ռուբլի փոխհատուցմամբ, և բարոյական վնասի փոխհատուցում` 2,5 միլիոն ռուբլի չափով:
Հաղորդվում է, որ մահացած երեխայի ընտանիքը պահանջել է 10 միլիոն ռուբլի:
Օլգա Ալիսովան իր մեղքն ընդունում է մասամբ: Նա ընդունունում է, որ իր մեքենան մարդկային կյանք է խլել, սակայն պնդել է, որ դա դժբախտ պատահականություն է եղել:
Իր վերջին խոսքում Ալիսովան դատարանից խնդրել է իրեն պայմանական ժամկետ նշանակել, կամ էլ հնարավորություն տալ դաստիարակելու սեփական երեխային` մինչև նրա 14 տարին լրանալը: Ալիսովան անարդար է համարել դատարանի որոշումը և դատարանին նույնպես:
Հիշեցնենք, որ ողբերգական դեպքը պատահել էր Բալաշիխայում, այս տարվա ապրիլին: Գործը հասարակական մեծ հնչեղություն էր ձեռք բերել հատկապես այն բանից հետո, երբ դատափորձական էքսպերտը հայտարարել էր, թե վթարի ենթարկված երեխան եղել է մահացու խմած վիճակում, որի համար էլ մեղադրանք է առաջադրվել էքսպերտի դեմ:
Zham.am