«Մայր Հայաստան» դաշինքը երբեք ՔՊ-ի հետ չի համագործակցել, դա հնարավոր չէ. Ստեփան Դանիելյան
Դիտել նաև
Մեր շարժումը կհասնի իր նպատակին, Հայաստանի կազմաքանդումը կկասեցվի. Գառնիկ Դանիելյան
Ոսկեպարի եկեղեցու մոտակայքում ադրբեջանցիներ են հայտնվել, ոստիկանական զորքեր են բերվել Բերքաբեր. Գառնիկ Դանիելյան
Ի՞նչ է եղել 2018-ին, ինչը հիմա չի կատարվում․ Ստեփան Դանիելյան
Փաստորեն դրա վրա կարված կոմպրոմատներն ամբողջ երկիրը պատանդ է դարձրել ու սա զիջելու է ամեն ինչ, ինչ պահանջեն․ Ստեփան Դանիելյան
Մարդիկ Ալեն Սիմոնյանի նման պաշտոնյաների աչքն են մտցնում իրենց տների կադաստրի վկայականները. Դանիելյան
Առաջարկություն է հնչել Երևանի ավագանում ընտրությունների մասնակիցների միջև կնքել պայմանագիր, ինչը, որքան հասկացա, նրանց պարտավորցնելու է չհամագործակցելու ՔՊ-ի հետ: Առաջարկը, որքան հիշում են, Ապրելու Երկիր կուսակցությունն է արել:
Ըստ երևույթին, այդ պայմանագրի իմաստն այն է, որ քանի որ հանրության մոտ կա խորքային անվստահություն մասնակից կուսակցությունների հանդեպ, որ նրանք ՔՊ-ի արբանյակներն են ու, ներկայանալով որպես ընդդիմադիր, ընտրություններից հետո կարող են դաշինք կազմել, կամ մի այլ կերպ համագործակցել դեռևս իշխող ՔՊ-ի հետ, ապա, պայմանագիր կնքելով, նրանք կաշկանդված կլինեն անել այն, ինչը բազմիցս, մինչ այդ, արել են:
Առաջանում են հարցեր.
1. Եթե կա նման կասկած, այն էլ հիմնավոր, ապա որն է իմաստը գնալ նրանց ընտրել ու սպասել, տեսնելու համար, թե հետագայում նրանք իրենց խաբելու են, թե ՝ոչ: Առավել ևս, որ նրանցից շատերը եղել են ԵԼՔ դաշինքի ակունքներում, սև ու սպիտակի բաժանման հեղինակներն են, պատերազմից առաջ, ու հատկապես պատերազմից հետո, շարունակել են համագործակցել Փաշինյանի հետ, լինելով նախարարներ, պատգամավորներ և այլն:
2. Եթե այդ ուժերը բազմիցս խաբել են, ապա ինչ խնդիր կա, որ պայմանագիր կնքելուց հետո ևս մեկ անգամ չեն կարող խաբել: Կարծում եմ, դա իրենց համար առանձնապես խնդիր չէ:
Այնուամենայնիվ, ողջունում եմ այդ առաջարկը, թող նախկինում նրանք, ովքեր ՔՊ-ի հետ համագործակցել են ու գուցե հիմա էլ են համագործակցում, թող կնքեն նման պայմանագիր: Դրա կարիքը նրանք ունեն, նրանց պետք է ժողովրդի առաջ արդարանալու և ընդդիմադիր դիրք գրավելու համար: Հանրությունն էլ թող ևս մեկ անգամ տեսնի, թե նրանց համար ինչ արժեք ունի խոսքը՝ գրավոր, թե բանավոր:
Ինչ վերաբերվում է Մայր Հայաստան Դաշինքին, ապա մենք նման պայմանագիր կնքելու կարիքը չունենք, մենք երբեք ՔՊ-ի հետ չենք համագործակցել ու, վստահ եմ, որ ոչ ոք չի կասկածում, որ դա հնարավոր չէ:
Հ.Գ. Ի դեպ, հանրությանը խաբելու երևույթը 2018 թվականից չի սկսվել, մինչ այդ էլ շատերը, ներկայանալով որպես ընդդիմադիր, ընտրություններից հետո ստվերային ու ոչ ստվերային պայմանավորվածություն էին ձեռք բերում իշխող ուժի հետ: Այս արատի արմատները բավականին խորն են:
Քաղաքագետ Ստեփան Դանիելյանի ֆեյսբուքյան էջից