9-րդ դասարանի աջղիկներ կան չեն հաճախում դպրոց, քանի որ ամուսնացել են
Այսօր հոկտեմբերի 24-ին «Մեդիա կենտրոնում» տեղի ունեցավ քննարկում «Եզդի համայնքի դպրոցականների`կրթության իրավունքի իրացումը և առկա խոչընդոտները Հայաստանում» թեմայով:
Քննարկմանը մասնակցում էին «Սինջար եզդիների ազգային միավորում» ՀԿ-ի նախագահ Բորիս Մուրազին, Եզդիերեն լեզվով գրականության 1-12-րդ դասարանների դասագրքերի համահեղինակ, Կրթության ազգային ինստիտուտի եզդիերեն լեզվի մանկավարժների վերապատրաստող Հասան Թամոյանը, ՀՀ Արմավիրի մարզպետարանի աշխատակազմի կրթության, մշակույթի և սպորտի վարչության կրթության բաժնի պետ Նաիրա Սարգսյան և Արագածոտնի մարզպետարանի աշխատակազմի կրթության, մշակույթի և սպորտի վարչության պետ Մամիկոն Աբգարյանը:
«Սինջար եզդիների ազգային միավորում» ՀԿ-ի նախագահ Բորիս Մուրազին իր խոսքում նշեց, որ իրենց կազմակերպությունը ուսւոմնասիրություն է կատարել ու պարզել է, որ մի քանի տսնյակ եզդի երեխաներ Արագածոտնի և Արմավիրի մարզերում չեն հաճախում դպրոց չնայած օրենքի պահանջին.«Մեզ ուրախացրեց այն հանգամանքը, որ օրենքի ուժով պարտադիր դարձավ 12-ամյա կրթությունը ու կարծում էինք, որ օրենքի գործադրումը իրավիճակ կփոխի համայնքում, սակայն երբ հոկտեմբեր ամիսն հարցումներ ուղարկեցինք Արմավիրի և Արագածոտնի մարզպետարաններ, պարզեցինք, որ Արագածոտնի մարզի եզդիաբնակ Ճարճակիս համայնքում վեց երեխա չի հաճախում դպրոց, իսկ Արմավիրի մարզի 5 գյուղերի տվյալներով 32 եզդի երեխա չի հաճախում դպրոց»,-ասաց բանախոսը:
«Դուք գիտեք, որ այս տարվանից ներդրվել է 12-ամյա պարտադիր կրթության պահանջը: Մեր մարզում խնդիրներ կան 10-րդ դասարանից բարձր տարիքի երեխաների հաճախելիության հետ: Այն թվերը, որոնք տրվել են ձեր կազմակերպությանը մենք փորձել են առավել պարզեցնել ու ստացել են, որ մեծամասամբ դպրոց չեն հաճախում 10-12-րդ դասարանի երեխաները: Եվ պետք է նկատեմ, որ չհաճախող երեխաները այնպես չէ, որ չեն հաճախում սոցիալական խնդիրներից ելենլով: Ուղակի իրենց ծնողները այդպես են որոշել: Այս 32 աշակերտների մեջ ունենք 9-րդ դասարանի աղջիկներ, որոնք արդեն ամուսնացած են և ապրում են իրենց ամուսինների ընտանիքներում»,-ասաց տիկին Սարգսյանը:
ՀՀ Արագածոտնի մարզպետարանի աշխատակազմի կրթության, մշակույթի և սպորտի վարչության պետ Մամիկոն Աբգարյանը հայտարրաեց, որ իրենք բավական մեծ աշխատանք են իրականացրել և այսօր փառք Աստծո շատ քիչ թվով երեխաներ են, որ չեն հաճախում դպրոց, որոնց ուղղությամբ ևս աշխատում են: Նա ասաց, որ Բորիս Մուրազիի կողմից ներկայացված Ճարճակիս համայնքի երեխաների հաճախելիության հարցը գրեթե լուծված է: Վարչության պետի ներկայացմամբ երկու 10-րդ դասարանի երեխաներ մեկնել են երկրից, մեկ առաջին դասրանի երեխա սկսել է հաճախել դպրոց, իսկ մեկ երեխայի ծնողների հետ աշխատում են, որպեսզի նա նույնպես հաճախի դպրոց: