Հայտնի հեռուստավարողուհի Քսենյա Սոբչակը կմասնակցի 2018 թվականի Ռուսաստանի նախագահական ընտրություններին. Տեսանյութ
Քսենյա Սոբչակն այսօր հայտարարել է, որ որոշում է կայացրել մասնակցել Ռուսաստանում գալիք նախագահական ընտրություններին: Այս մասին նա հայտարարել է թե համացանցով և թե բաց նամակի տեսքով, որը հրապարակվել է "Ведомости" թերթում: Ռուսաստանի քաղաքական շրջանակները համոզված են, որ Սոբչակին խաղի մեջ է մտցնում Կրեմլը, ու թեև Սոբչակը հերքում է այս վարկածը, սակայն ոք չի հավատում նրան, մանավանդ որ վերջերս, ինչպես խոստովանում է Սոբչակը, ինքն անձամբ հանդիպել է Պուտինի հետ և քննարկել է իր հոր` Անատոլի Սոբչակի մասին պատմավավերագրական ֆիլմ պատրաստելու մասին:
Ըստ Սոբչակի, նա Պուտինին ասել է, որ ուզում է մասնակցել ընտրություններին, և իբր, նրա այդ միտքը Պուտինին դուր չի եկել: Սակայն բոլորն էլ հասկանում են, որ Սոբչակին հենց Կրեմլն է խաղի մեջ մտցնում, որպեսզի կոմպենսացնի Ալեքսեյ Նովալնիի ընտրություններին չմասնակցելու խնդիրը: Իսկ այն, որ Նովալնիին թույլ չեն տալու մասնակցել ընտրություններին, արդեն հաստատել է Ռուսաստանի ԿԸՀ-ի նախագահ Էլլա Պամֆիլովան:
Zham.am