Հարգելի մտավորականներ, Դուք ի՞նչ է, Մարս մոլորակից հենց նո՞ր իջաք Հայաստան երկրի վրա
Մի օր չտեսանք մեր մտավորականները վազեին մամուլի ակումբներ և ընտրությունները ցինիկաբար կեղծելու թեմայով կոչ անեին՝ ոտքի կանգնել և ընդվզել:
Մի օր չտեսանք մեր մտավորականները վազեին մամուլի ակումբներ և Սերժ Սարգսյանի գիշերային, միանձնյա որոշումների թեմայով /Հայ-թուրքական արձանագրություններ, ԵԱՏՄ/ կոչ անեին՝ ոտքի կանգնել և ընդվզել:
Մի օր չտեսանք մեր մտավորականները աղքատության ու գործազրկության ծավալների մեծացման, ահագնացող արտագաղթի, արտաքին պարտքը քառապատկելու, ապրանքների գիշատչական թանկացումների, դպրոցներ փակելու թեմաներով վազեին մամուլի ակումբներ և կոչ անեին՝ ոտքի կանգնել և ընդվզել...
Նշված թեմաներով ոչ մի բառ չեն ասել, բայց հիմա, ո՜վ զարմանք, վազել են մամուլի ակումբ ու սրտաճմլիկ բաներ են ասում Ընտանեկան բռնության կանխարգելման մասին նախագծի առիթով և կոչ անում ոտքի կանգնել և ընդվզել:
Իսկական զավեշտ:
Հարգելի մտավորականներ, այն, ինչ արել ու անում է գործող իշխանությունը, դա բռնություն է երկրում մնացած ժողովրդի դեմ:
Հիմա էս ի՞նչ հոգեցունց ,,նաղլ,, եք կապել մի նախագծի առիթով՝ պատճառն ու հետևանքը ,,միքսեր,, անելով:
Դուք ի՞նչ է, Մարս մոլորակից հենց նո՞ր իջաք Հայաստան երկրի վրա...
Կիմա Եղիազարյանի ֆեյսբուքյան էջից