Գյուղատնտեսության նախարարության աշխատակիցը բազմաբնակարան շենք ունի

«Փաստ» օրաթերթը գրում է. «Ամիսներ առաջ Գյուղատնտեսության նախարարության աշխատակազմի ղեկավարի պաշտոնում վերանշանակված Արտաշես Կիրակոսյանը միայն վերջերս է Բարձրաստիճան պաշտոնատար անձանց էթիկայի հանձնաժողովին ներկայացրել իր՝ պաշտոնը ստանձնելու 2017 թ. հայտարարագիրը:

Նրան է պատկանում բազմաբնակարան բնակելի շենք՝ մեկից ավելի բնակարաններ, ոչ բնակելի եւ ընդհանուր օգտագործման տարածքներ ունեցող շինությունը, եւ բազմաբնակարան շենքի ոչ բնակելի տարածքը:

Պաշտոնը ստանձնելու օրվա՝ հուլիսի 21–ի դրությամբ ունեցել է 5 միլիոն 500 հազար դրամ, 6 հազար ամերիկյան դոլար ու 20 հազար ռուսական ռուբլի դրամական միջոցներ: Եկամուտները ստացվել են միայն աշխատավարձից ու կազմել 2 միլիոն 781 հազար դրամ:

Կիրակոսյանը մինչ կառավարությունում աշխատանքի անցնելը աշխատել է իրավապահ մարմիններում. 2008-09 թթ. եղել է Ոստիկանության պետի տեղակալի օգնականը։ Մինչ Գյուղնախարարություն աշխատանքի անցնելն էլ նույն պաշտոնը զբաղեցրել է Աշխատանքի եւ սոցիալական հարցերի նախարարությունում»:

Ամբողջությամբ կարող եք կարդալ «Փաստ» օրաթերթի այսօրվա համարում։