ԱԻՆ-ը մեղադրում է «Հայանտառին» հրդեհները չկանխելու համար

«Ժողովուրդը» օրաթերթը գրում է․ «ՀՀ ԱԻՆ փրկարար ծառայության տնօրենի տեղակալ Վրեժ Գաբրիելյանը «Ժողովուրդ» օրաթերթի հետ զրույցում անուղղակի մեղադրանքներ է հնչեցրել ՀՀ գյուղատնտեսության նախարարության հասցեին:

Պատասխանելով հարցին, թե ինչու հրդեհավտանգ իրավիճակ հայտարարելուց հետո ԱԻՆ-ը կանխարգելող քայլեր չարեց, Գաբրիելյանը հայտարարել է. «Հակահրդեհային միջոցառումներ պետք է իրականացնեն և՛«Հայանտառը», որը համակարգման ոլորտում մտնում է գյուղատնտեսության նախարարության մեջ, և՛ պահպանվող տարածքները, որոնց համակարգման ոլորտը բնապահպանության նախարարությունն է»:

Մեր հարցին, թե այդ կառույցների կողմից թերացումնե՞ր եք նկատում, պաշտոնյան պատասխանել է. «Չեմ նկատում, ես ասում եմ այն, ինչ կա: Ես փաստում եմ այն, որ պետք է արվի»:

Հիշեցնենք, որ Խոսրովի անտառի հրդեհի օրերին ՀՀ գյուղատնտեսության նախարար Իգնատի Առաքելյանն ակնհայտորեն փորձում էր իրեն հեռու պահել կատարվածից, իբր տեղի ունեցողն ամենևին էլ իր ոլորտի հետ առնչություն չունի»:

Մանրամասները՝ «Ժողովուրդը» թերթի այսօրվա համարում: