Զախարովան՝ Հոգլանդի հայտարարությունների և Չինարիում գրանցված միջադեպի մասին
ՌԴ ԱԳՆ պաշտոնական ներկայացուցիչ Մարիա Զախարովան երեկ լրագրողների հետ զրույցում անդրադաարձել է ԵԱՀԿ ՄԽ ամերիկացի համանախագահ Ռիչարդ Հոգլանդի հայտարարությանը:
Զախարովայի խոսքով` այդ սկզբունքները նորություն չեն, դրանց մասին խոսել են ԼՂ հարցով հայտարարություններում ՌԴ, ԱՄՆ, Ֆրանսիայի նախագահները:
Խոսելով ամերիկացի նոր համանախագահի նշանակման մասին` նա ասել է, որ ՌԴ-ն ողջունում է այդ նշանակումը: «Մենք ելնում ենք այն բանից, որ համանախագահները նոր կազմով կշարունակեն ջանքերը ԼՂ հակամարտության կողմերին աջակցելու ուղղությամբ»,- նշել է Զախարովան:
Անդրադառնալով երէկ Չինարիի մոտակայքում մոնիթորինգի ժամանակ գրանցված միջադեպին, երբ ադրբեջանական կողմը կրակ է բացել համանախագահների ուղությամբ, նա ասել է հետևյալը. «Իրավիճակի սրման դեպում մենք միշտ կոչ ենք արել կողմերին` հավասարակշռված մոտեցում ցուցաբերել, որի նպատակը կլիներ ոչ թե իրավիճակի լարումը, այլ քաղաքական կարգավորման հասնելը: Կարծում եմ` փորձագետները կասեն իրենց խոսքը` դեպքի վայրում ուսումնասիրելով հանգամանքները»:
Zham.am