Եթե Ձեզ համար թանկ են հարազատների և սեփական կյանքը բացառապես հրաժարվեք տնական պահածոներից. սննդաբան
Պահածոյացման այսպես կոչված մրցավազքի մեկնարկն արդեն տրված է: Դե ամոթ է եթե հայ կնոջ մառանում ձմռանը տարատեսակ մուրաբաներ ու համեղ ուտեստներ ամբարված չլինեն, անկախ մասնագետների շարունակական հորդորների, թե դրանք վտանգավոր են:
HayNews.am-ը կարևորելով իր ընթերցողների առողջությունը պահածոների վտանգավորության մասին է զրուցել սննդաբան Հասմիկ Աբովյանի հետ:
«Աշխարհում չեք գտնի 2-րդ երկիրն ուր կինն այդքան կտանջի իրեն պահածոյացման համար»,- ասաց սննդաբանը: Հասմիկ Աբովյանի խոսքով՝ ոչ մի գրագետ բժիշկ չի կարող խորհուրդ տալ, թե ինչպես ճիշտ պահածոյացնել սնունդը, քանզի ոչ մի ապահովություն չկա, որ կխուսափենք թունավորումից, որքան էլ պահպանենք սանիտարահիգիենիկ պայմանները:
«Եթե մեր հայուհիների համար թանկ են իրենց հարազատների և սեփական կյանքը, պետք է բացառապես հրաժարվեն տնային պայմաններում պահածոյացնելուց»,- ասաց բժշկունին և ընդգծեց, որ ինֆեկցիայի սպորաները վերացնելու համար պահածոներին պետք է 100 աստիճանից բարձր ջերմաստիճան, ինչը տնային պայմաններում հնարավոր չէ ապահովել:
«Այդ սպորաներն անօդ տարածությունում սկսում են անչափ թունավոր բոտուլոտոկսին արտադրել: Շատ կանաք պատճաաբանում են թե պահածոն պղտոր չէ, կամ չի ուռել ուրեմն անվտանգ է, ուզում եմ նշել, որ այս թույնը ոչ համ ունի, ոչ էլ հոտ և բացառապես չի ազդում սննդի տեսքի վրա»,-շեշտադրեց զրուցակիցս:
Մասնագետի խոսքով՝ հատկապես վտանգավոր են բանջարեղենային պահածոները ՝ լեչոն, սունկը, վարունգը, խավիարը, մարինատները և այլն:
«Մուրաբաներն ու կոմպոտները ևս վտանգավոր են, բայց ավելի քիչ»,-նշեց մասնագետը:
Հասմիկ Աբովյանը հորդորեց ընտրել արտադրական պահածոներ, քանի որ դրանք, ճիշտ է, օգտակար չեն, բայց վտանգավոր էլ չեն: Բժշկուհին պահածոներին, որպես այլընտրանք առաջարկեց սառեցնել սնունդը:
Աղբյուրը` Haynews.am