Շտապ. Արտակարգ իրավիճակ «Արմենիա» ԲԿ-ում. բժիշկներին չհաջողվեց փրկել կյանքը
Բուժվող հիվանդին անզգուշությամբ մահ պատճառելու մեղադրանքով «Արմենիա» հանրապետական բժշկական կենտրոնի թունավորումների բաժանմունքի բժիշկ-տոքսիկոլոգը հայտնվել է ամբաստանյալի աթոռին:
Ըստ մեղադրանքի՝ «Արմենիա» ՀԲԿ-ի թունավորումների բաժանմունքի բժիշկ-տոքսիկոլոգ Արտակ Օհանյանը, հանդիսանալով բժշկական օգնություն և սպասարկում իրականացնող անձ, իր մասնագիտական պարտականությունները կատարել է ոչ պատշաճ և դրանց նկատմամբ անփույթ և անբարեխիղճ վերաբերմունք է դրսևորել:
Մասնավորապես, «Ապարանի» բժշկական կենտրոն «Արմենիա» ՀԲԿ-ի սուր թունավորումների բաժանմունք ստացիոնար բուժօգնության ընդունված Գրիշա Հովհաննիսյանի առողջական վիճակի անամնեստիկ և կլինիկական տվյալների ոչ լիարժեք վերլուծություն է կատարել և տարբերակիչ ախտորոշում չի կայացրել, չի իրականացրել շարունակական ստացիոնար դինամիկ հսկողություն և նպատակաուղղված բուժում, որի հետևանքով անզգուշությամբ առաջացրել է Գրիշա Հովհաննիսյանի մահը:
Արտակ Օհանյանին մեղադրանք է առաջադրվել ՀՀ քրեական օրենսգրքի 130-րդ հոդվածի 2-ին մասով, նրա նկատմամբ որպես խափանման միջոց է ընտրվել չհեռանալու մասին ստորագրությունը: