Արցախի ԱԺ-ում 33 պատգամավորից 29-ը իշխանական են
«Առավոտ» թերթը գրում է. «Արցախի ԱԺ «Շարժում-88» խմբակցությունը Արցախի Հանրապետության նախագահի պաշտոնին առաջադրել է խմբակցության ղեկավար Էդուարդ Աղաբեկյանի թեկնածությունը: Aravot.am-ի հետ զրույցում Էդուարդ Աղաբեկյանը նախ հիշեցրեց, որ Արցախում Ազգային ժողովում ուժերը դասավորված են հետևյալ կերպ՝ 33 պատգամավորից 29-ը իշխանական են, ապա հավելեց. «Մենք հնչեցնելու ենք մեր կարծիքը, ներկայացնելու ենք մեր տեսակետները և մեր մտահոգությունները: Փորձելու ենք այդ ամենը տեղ հասցնել, որից հետո թող որոշեն պատգամավորները»: Նա նշեց, որ հայտնելու են այն տեսակետները, որոնք ասել են վերջին 10 տարիների ընթացքում:
Նրա խոսքով՝ բոլոր ոլորտներում հանդես են գալու նոր առաջարկներով, իսկ Արցախյան հիմնախնդրի վերաբերյալ Էդուարդ Աղաբեկյանը հայտնեց իր տեսակետը. «Պետք է բանակցությունների կողմ հանդիսանա Ստեփանակերտը, ոչ ոք իրավունք չունի խոսելու նրա անունից: Ստեփանակերտը պետք է իր դիրքորոշումը հայտնի՝ ինչպես որ եղել է նախկինում»»,-գրում է թերթը:
Մանրամասները՝ թերթի այսօրվա համարում: