«Պարտվողը կորցնում է ամեն ինչ, հաղթողը ստանում է ամեն ինչ». Նաիրա Զոհրաբյան (տեսանյութ)
Այսօր ՀՀ Ազգային ժողովի արտահերթ նիստին «Ծառուկյան դաշինք» խմբակցության պատգամավոր Նաիրա Զոհրաբյանը «Կենտրոնական ընտրական հանձնաժողովի գործունեության մասին» հարցին նվիրված իր ելույթում դիմելով ՀՀ ԿԸՀ նախագահ Տիգրան Մուկուչյանին հայտարարեց, որ Հայաստանում առկա է տոտալ անվստահություն ընտրական գործընթացների հանդեպ. «Ու՞մ հայտնի չէ, որ իշխող կուսակցությունը բոլոր ժամանակներում մեր անկախության բոլոր տարիներից սսած մինչև այսօր օգտագործել, օգտագործում և, ցավոք սրտի, դեռևս օգտագործելու է վարչական ռեսուրսը: Եւ պետք չէ այստեղ որևէ կառույցի ղեկավար հագնի սրբի վեղար և հայտարարի, որ իր համակարգում ամեն ինչ արդար է, կոռուպցիոն ռիսկերը զրոյացված են, որ վարչական ռեսուրս, եթե կիրառվում է, ապա դա չի ազդում ընտրությունների արդյունքի վրա...», - ասաց նա:
Նաիրա Զոհրաբյանն անդրադարձավ նաև օգոստոսի մեկից «Փարքինգ Սիթի»-ի կողմիցմատուցվող ծառայությունների 50 տոկոսով թանկացման խնդրին, նշելով, որ խմբակցության պատգամավորները զբաղվելու են նաև այդ խնդրով. «Սա լրջագույն խնդիր է առաջացնելու, և քանի դեռ չի առաջացրել հորդորում եմ պատկան կառույցին հետ կանգնել այս «փառահեղ» գաղափարից»:
Մանրամասները՝ «Ա1+»-ի տեսանյութում: