Բնակելի տան խորդանոցում իժ տեսակի օձ է հայտնաբերվել
Հուլիսի 4-ին, ժամը 13:10-ին տեղեկություն է ստացվել, որ Տավուշի մարզի Բերդ քաղաքի Սասունցի Դավիթ փողոցի տներից մեկի մոտակայքում երկաթյա ջրի տարրայի մեջ նկատվել է օձ, որին բռնելու և անվտանգ տարածք տեղափոխելու համար անհրաժեշտ է փրկարարների օգնությունը:
Դեպքի վայր է մեկնել հրշեջ-փրկարարական ջոկատի օպերատիվ խումբը:
Փրկարարները հայտնաբերել են իժ տեսակի օձ և տեղափոխել անվտանգ տարածք։
***
Հուլիսի 4-ին, ժամը 09:17-ին ահազանգ է ստացվել, որ Երևան քաղաքի Սիլիկյան թաղամասի 7-րդ փողոցի տներից մեկի խորդանոցում նկատվել է օձ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Փրկարարները հայտնաբերել են իժ տեսակի օձ և տեղափոխել անվտանգ տարածք: